इ॒ह त्या स᳚ध॒माद्या॒ हरी॒ हिर᳚ण्यकेश्या ।
वो॒ळ्हाम॒भि प्रयो᳚ हि॒तम् ॥
वो॒ळ्हाम॒भि प्रयो᳚ हि॒तम् ॥
पदपाठः (Word-by-word)
इ॒ह । त्या । स॒ध॒॑माद्या᳚ । हरी॒ इति᳚ । हिर᳚ण्य॑केश्या ।
वो॒ळ्हाम् । अ॒भि । प्रयः᳚ । हि॒तम् ॥
वो॒ळ्हाम् । अ॒भि । प्रयः᳚ । हि॒तम् ॥
सायणभाष्यम् (Sayana Commentary)
इहयज्ञे त्या तौ प्रसिद्धौ सधमाद्या सहमाद्यन्तौ हिरण्यकेश्या हिरण्यकेश्यौ हरी एतन्नामकौ अश्वौ हितं हितकरं प्रयः सोमरूपमन्नं अभि अभिलक्ष्य वोह्ळां इन्द्रं वहतां प्रापयतामिति ॥ २९ ॥