अती᳚हि मन्युषा॒विणं᳚ सुषु॒वांस᳚मु॒पार᳚णे ।
इ॒मं रा॒तं सु॒तं पि᳚ब ॥
इ॒मं रा॒तं सु॒तं पि᳚ब ॥
पदपाठः (Word-by-word)
अति᳚ । इ॒हि॒ । म॒न्यु॒॑सा॒विन᳚म् । सु॒सु॒॑वांस᳚म् । उ॒प॒॑अर᳚णे ।
इ॒मम् । रा॒तम् । सु॒तम् । पि॒ब॒ ॥
इ॒मम् । रा॒तम् । सु॒तम् । पि॒ब॒ ॥
सायणभाष्यम् (Sayana Commentary)
हे इन्द्र मन्युषाविणं क्रोधेन सोमं सुन्वन्तमतीह्यतिगच्छ तथोपारणे ब्राह्मणा उपेत्य यस्मिन्देशे न रमन्ते सउपारणस्तस्मिन् देशे सुषुवांसं सुन्वन्त- मतीहि इमं रातं ब्राह्मणोपद्रवरहितेदेशेस्माभिर्दत्तमिमं सुतं सोमं पिब ॥ २१ ॥