अग्ने॒ रक्षा᳚ णो॒ अंह᳚स॒ः प्रति᳚ ष्म देव॒ रीष᳚तः ।
तपि᳚ष्ठैर॒जरो᳚ दह ॥
तपि᳚ष्ठैर॒जरो᳚ दह ॥
पदपाठः (Word-by-word)
अग्ने᳚ । रक्ष᳚ । नः॒ । अंह᳚सः । प्रति᳚ । स्म॒ । दे॒व॒ । रिष᳚तः ।
तपि᳚ष्ठैः । अ॒जरः᳚ । द॒ह॒ ॥
तपि᳚ष्ठैः । अ॒जरः᳚ । द॒ह॒ ॥
सायणभाष्यम् (Sayana Commentary)
हे अग्ने त्वं नोस्मान् अंहसः पापात् रक्ष पाहि । संहितायां दीर्घश्छान्दसः अपिच हे देव द्योतमानाग्ने अजरो जरारहितस्त्वं रिषतो हिंसतः शत्रून् तपिष्ठैरतिशयेन तापकैस्तेजोभिः दह भस्मीकुरु ॥ १३ ॥