ए॒वा तमा᳚हुरु॒त शृ᳚ण्व॒ इन्द्र॒ एको᳚ विभ॒क्ता त॒रणि᳚र्म॒घाना᳚म् ।
मि॒थ॒स्तुर᳚ ऊ॒तयो॒ यस्य᳚ पू॒र्वीर॒स्मे भ॒द्राणि᳚ सश्चत प्रि॒याणि᳚ ॥
मि॒थ॒स्तुर᳚ ऊ॒तयो॒ यस्य᳚ पू॒र्वीर॒स्मे भ॒द्राणि᳚ सश्चत प्रि॒याणि᳚ ॥
पदपाठः (Word-by-word)
ए॒व । तम् । आ॒हुः॒ । उ॒त । शृ॒ण्वे॒ । इन्द्रः᳚ । एकः᳚ । वि॒॑भ॒क्ता । त॒रणिः᳚ । म॒घाना᳚म् ।
मि॒थः॒॑तुरः᳚ । ऊ॒तयः᳚ । यस्य᳚ । पू॒र्वीः । अ॒स्मे इति᳚ । भ॒द्राणि᳚ । स॒श्च॒त॒ । प्रि॒याणि᳚ ॥
मि॒थः॒॑तुरः᳚ । ऊ॒तयः᳚ । यस्य᳚ । पू॒र्वीः । अ॒स्मे इति᳚ । भ॒द्राणि᳚ । स॒श्च॒त॒ । प्रि॒याणि᳚ ॥
सायणभाष्यम् (Sayana Commentary)
यस्येन्द्रस्य मिथः तुरो बाधनाः संश्लिष्टावा पूर्वीः पूर्व्योबह्व्यः ऊतयो रक्षाः सन्ति तं एव एवमुक्तगुणमाहुः पूर्वे ऋषयः । उतापिचाद्यापि सइन्द्रो मघानां मंहनीयानां धनानां विभक्ता दातेति एको मुख्यः तरणिरापदस्तारयितेति शृण्वे श्रूयते तस्य च प्रसादादस्मे अस्मान् भद्राणि मंगलानि प्रियाणि कल्याणानि सश्चत सेवन्तां ॥ ४ ॥