द॒धि॒क्रामु॒ नम᳚सा बो॒धय᳚न्त उ॒दीरा᳚णा य॒ज्ञमु᳚पप्र॒यन्त᳚ः ।
इळां᳚ दे॒वीं ब॒र्हिषि᳚ सा॒दय᳚न्तो॒॑श्विना॒ विप्रा᳚ सु॒हवा᳚ हुवेम ॥
इळां᳚ दे॒वीं ब॒र्हिषि᳚ सा॒दय᳚न्तो॒॑श्विना॒ विप्रा᳚ सु॒हवा᳚ हुवेम ॥
पदपाठः (Word-by-word)
द॒धि॒॑क्राम् । ऊं॒ इति᳚ । नम᳚सा । बो॒धय᳚न्तः । उ॒त्॑ईरा᳚णाः । य॒ज्ञम् । उ॒प॒॑प्र॒यन्तः᳚ ।
इळा᳚म् । दे॒वीम् । ब॒र्हिषि᳚ । सा॒दय᳚न्तः । अ॒श्विना᳚ । विप्राः᳚ । सु॒॑हवा᳚ । हु॒वे॒म॒ ॥
इळा᳚म् । दे॒वीम् । ब॒र्हिषि᳚ । सा॒दय᳚न्तः । अ॒श्विना᳚ । विप्राः᳚ । सु॒॑हवा᳚ । हु॒वे॒म॒ ॥
सायणभाष्यम् (Sayana Commentary)
दधिक्रां एतन्नामकं अश्वविशेषं देवं नमसा स्तोत्रेण बोधयन्तः प्रज्ञापयन्तः उदीराणाः प्रेरयन्तः यज्ञं यागं उपप्रयन्तः उपक्रममाणा वयं बर्हिषि इळां हवीरूपां देवीं सादयन्तः आस्थापयन्तः सुहवा शोभनाह्वानौ विप्रा विप्रौ मेधाविनौ अश्विना अश्विनौ देवौ हुवेम आह्वयाम उइति पूरणः ॥ २ ॥