यद्वि॒जाम॒न्परु᳚षि॒ वन्द᳚नं॒ भुव᳚दष्ठी॒वन्तौ॒ परि᳚ कु॒ल्फौ च॒ देह᳚त् ।
अ॒ग्निष्टच्छोच॒न्नप᳚ बाधतामि॒तो मा मां पद्ये᳚न॒ रप᳚सा विद॒त्त्सरु᳚ः ॥
अ॒ग्निष्टच्छोच॒न्नप᳚ बाधतामि॒तो मा मां पद्ये᳚न॒ रप᳚सा विद॒त्त्सरु᳚ः ॥
पदपाठः (Word-by-word)
यत् । वि॒॑जाम᳚न् । परु᳚षि । वन्द᳚नम् । भुव᳚त् । अ॒ष्ठी॒वन्तौ᳚ । परि᳚ । कु॒ल्फौ । च॒ । देह᳚त् ।
अ॒ग्निः । तत् । शोच᳚न् । अप᳚ । बा॒ध॒ता॒म् । इ॒तः । मा । माम् । पद्ये᳚न । रप᳚सा । वि॒द॒त् । त्सरुः᳚ ॥
अ॒ग्निः । तत् । शोच᳚न् । अप᳚ । बा॒ध॒ता॒म् । इ॒तः । मा । माम् । पद्ये᳚न । रप᳚सा । वि॒द॒त् । त्सरुः᳚ ॥
सायणभाष्यम् (Sayana Commentary)
वन्दनं एतत्संज्ञकं यद्विषं विजामन् विविधजन्मनि परुषि वृक्षादीनां पर्वणि भुवत् उद्भवेत् यच्चविषं अष्ठीवन्तौ जानुनी कुल्फौ गुप्तौच परिदेहत् दिहउपचये उपचितंकुर्यात् अग्निर्देवः शोचन् दीप्यमानः सन् इतोस्माज्जनात् तद्विषं अपबाधतां अपहन्तु शिष्टं व्याख्यातं ॥ २ ॥