यच्छ᳚ल्म॒लौ भव᳚ति॒ यन्न॒दीषु॒ यदोष᳚धीभ्य॒ः परि॒ जाय᳚ते वि॒षम् ।
विश्वे᳚ दे॒वा निरि॒तस्तत्सु᳚वन्तु॒ मा मां पद्ये᳚न॒ रप᳚सा विद॒त्त्सरु᳚ः ॥
विश्वे᳚ दे॒वा निरि॒तस्तत्सु᳚वन्तु॒ मा मां पद्ये᳚न॒ रप᳚सा विद॒त्त्सरु᳚ः ॥
पदपाठः (Word-by-word)
यत् । श॒ल्म॒लौ । भव᳚ति । यत् । न॒दीषु᳚ । यत् । ओष᳚धीभ्यः । परि᳚ । जाय᳚ते । वि॒षम् ।
विश्वे᳚ । दे॒वाः । निः । इ॒तः । तत् । सु॒व॒न्तु॒ । मा । माम् । पद्ये᳚न । रप᳚सा । वि॒द॒त् । त्सरुः᳚ ॥
विश्वे᳚ । दे॒वाः । निः । इ॒तः । तत् । सु॒व॒न्तु॒ । मा । माम् । पद्ये᳚न । रप᳚सा । वि॒द॒त् । त्सरुः᳚ ॥
सायणभाष्यम् (Sayana Commentary)
यद्विषं शल्मलौ एतत्संज्ञके वृक्षेभवति तद्विषं नदीषु तत्रस्थासु अप्सु प्रादुर्भवति परीति पंचम्यर्थानुवादी ओषधीभ्यः सकाशाद्यद्विषं जायते उत्पद्यते विश्वे सर्वे देवाः तद्विषं इतोस्माज्जनाद्देशाद्वा निः सुवन्तु निःशेषेण प्रेरयन्तु मामामितिशिष्टं व्याख्यातं ॥ ३ ॥