नैताव᳚द॒न्ये म॒रुतो॒ यथे॒मे भ्राज᳚न्ते रु॒क्मैरायु᳚धैस्त॒नूभि᳚ः ।
आ रोद᳚सी विश्व॒पिशः᳚ पिशा॒नाः स᳚मा॒नम॒ञ्ज्य᳚ञ्जते शु॒भे कम् ॥
आ रोद᳚सी विश्व॒पिशः᳚ पिशा॒नाः स᳚मा॒नम॒ञ्ज्य᳚ञ्जते शु॒भे कम् ॥
पदपाठः (Word-by-word)
न । ए॒ताव᳚त् । अ॒न्ये । म॒रुतः᳚ । यथा᳚ । इ॒मे । भ्राज᳚न्ते । रु॒क्मैः । आयु᳚धैः । त॒नूभिः᳚ ।
आ । रोद᳚सी॒ इति᳚ । वि॒श्व॒॑पिशः᳚ । पि॒शा॒नाः । स॒मा॒नम् । अ॒ञ्जि । अ॒ञ्ज॒ते॒ । शु॒भे । कम् ॥
आ । रोद᳚सी॒ इति᳚ । वि॒श्व॒॑पिशः᳚ । पि॒शा॒नाः । स॒मा॒नम् । अ॒ञ्जि । अ॒ञ्ज॒ते॒ । शु॒भे । कम् ॥
सायणभाष्यम् (Sayana Commentary)
इमे ईदृशामरुतोयथायत्परिमाणं धनादिकं ददति अन्ये मरुव्द्यतिरिक्तादेवाः एतावद्धनादिकं नदद्युरित्यर्थः । तेच रुक्मैः रोचमानैरयुधै- राभरणैः स्वकीयास्त्रैः तनूभिरात्मीयैः केवलैरंगैश्च भ्राजन्ते सर्वदा भासन्ते । कश्चिदेकवाक्यतामाह यथेमे मरुतोरुक्मादिभिः भ्राजन्ते नैतावदेतव्द्यतिरिक्ताभ्राजन्तइति । अपिच रोदसी द्यावापृथिव्यौ पिशानाः प्रकाशयन्तः विश्वपिशः व्याप्तदीप्तयः एवंभूतामरुतः शुभे शोभायै समानं सदृशरूपं अंजि आभरणं आ अंजते स्वकीयावयवेषु अभिव्यक्तीकुर्वन्ति । कमितिपूरणः ॥ ३ ॥