ऋध॒क्सा वो᳚ मरुतो दि॒द्युद᳚स्तु॒ यद्व॒ आगः᳚ पुरु॒षता॒ करा᳚म ।
मा व॒स्तस्या॒मपि᳚ भूमा यजत्रा अ॒स्मे वो᳚ अस्तु सुम॒तिश्चनि᳚ष्ठा ॥
मा व॒स्तस्या॒मपि᳚ भूमा यजत्रा अ॒स्मे वो᳚ अस्तु सुम॒तिश्चनि᳚ष्ठा ॥
पदपाठः (Word-by-word)
ऋध᳚क् । सा । वः॒ । म॒रु॒तः॒ । दि॒द्युत् । अ॒स्तु॒ । यत् । वः॒ । आगः᳚ । पु॒रु॒षता᳚ । करा᳚म ।
मा । वः॒ । तस्या᳚म् । अपि᳚ । भू॒म॒ । य॒ज॒त्राः॒ । अ॒स्मे इति᳚ । वः॒ । अ॒स्तु॒ । सु॒॑म॒तिः । चनि᳚ष्ठा ॥
मा । वः॒ । तस्या᳚म् । अपि᳚ । भू॒म॒ । य॒ज॒त्राः॒ । अ॒स्मे इति᳚ । वः॒ । अ॒स्तु॒ । सु॒॑म॒तिः । चनि᳚ष्ठा ॥
सायणभाष्यम् (Sayana Commentary)
हे मरुतः वोयुष्मदीया सा प्रसिद्धा दिद्युत् हेतिरृधगस्तु अस्मत्तः पृथग्भवतु यत् यद्यपि वयं वोयुष्माकं आगः अपराधं पुरुषता पुरुषतया मनुष्यत्वेन कराम करवाम मनुष्याणां हि प्रमादः सुलभइत्यर्थः । हे यजत्रा यजनीयामरुतः वोयुष्मदीयायां तस्यां दिद्युति अपि ईषदपि माभूम चनिष्ठा अन्नवत्तमा अतिशयेनान्नदाइत्यर्थः वोयुष्मदीया सुमतिरनुग्रहबुद्धिः अस्मे अस्मास्वस्तु ॥ ४ ॥