ते जा᳚नत॒ स्वमो॒क्यं१॒᳚ सं व॒त्सासो॒ न मा॒तृभि᳚ः ।
मि॒थो न᳚सन्त जा॒मिभि᳚ः ॥
मि॒थो न᳚सन्त जा॒मिभि᳚ः ॥
पदपाठः (Word-by-word)
ते । जा॒न॒त॒ । स्वम् । ओ॒क्य᳚म् । सम् । व॒त्सासः᳚ । न । मा॒तृ॑भिः᳚ ।
मि॒थः । न॒स॒न्त॒ । जा॒मि॑भिः᳚ ॥
मि॒थः । न॒स॒न्त॒ । जा॒मि॑भिः᳚ ॥
सायणभाष्यम् (Sayana Commentary)
ते ता गावौ जानत ज्ञातवत्यः । अथवा सामान्याकारेण तइति पुंनिर्देशः । किं स्वं स्वकीयमोक्यं निवासं महावीरं तत्रदोग्धुमगमन्नित्यर्थः । तदेवाह-वत्सासो वत्सामातृभिर्न जननीभिः सह यथा संगच्छन्ति तद्वज्जामिभिर्बन्धुभिः सहितागावोमिथः प्रत्येकं संनसन्त संगच्छन्ते महावीरम् ॥ १४ ॥