अधु᳚क्षत्पि॒प्युषी॒मिष॒मूर्जं᳚ स॒प्तप᳚दीम॒रिः ।
सूर्य᳚स्य स॒प्त र॒श्मिभि᳚ः ॥
सूर्य᳚स्य स॒प्त र॒श्मिभि᳚ः ॥
पदपाठः (Word-by-word)
अधु᳚क्षत् । पि॒प्युषी᳚म् । इष᳚म् । ऊर्ज᳚म् । स॒प्त॑प᳚दीम् । अ॒रिः ।
सूर्य᳚स्य । स॒प्त । र॒श्मि॑भिः᳚ ॥
सूर्य᳚स्य । स॒प्त । र॒श्मि॑भिः᳚ ॥
सायणभाष्यम् (Sayana Commentary)
अरिररणशीलोवायुः सूर्यस्य सप्तरश्मिभिः साधनैः पिप्युषीं आप्याययदिषमन्नं ऊर्जं रसं च । सप्तपदीं सर्पणस्वभावपादां माध्यमिकां वाचं धर्मधुग्रुपेणावस्थितां अधुक्षत् दुग्धवान् । यद्यप्यध्वर्युः पात्रेण गां दुग्धे तथाप्येवं भावनया सांगं भवति । माध्यमिकायावाचो मधुधुक्त्वम् । हिंक्रुण्वती गौरमीमेत्यादिषु प्रसिद्धम् ॥ १६ ॥