चर᳚न्व॒त्सो रुश᳚न्नि॒ह नि᳚दा॒तारं॒ न वि᳚न्दते ।
वेति॒ स्तोत᳚व अ॒म्ब्य᳚म् ॥
वेति॒ स्तोत᳚व अ॒म्ब्य᳚म् ॥
पदपाठः (Word-by-word)
चर᳚न् । व॒त्सः । रुश᳚न् । इ॒ह । नि॒॑दा॒तार᳚म् । न । वि॒न्द॒ते॒ ।
वेति᳚ । स्तोत᳚व्र् । अ॒म्ब्य᳚म् ॥
वेति᳚ । स्तोत᳚व्र् । अ॒म्ब्य᳚म् ॥
सायणभाष्यम् (Sayana Commentary)
वत्सो वत्सवच्चापल्येन धावनाद्वत्स इत्युपचर्यते । अथवा वत्सइव सञ्चरन् इवशब्दोलुप्यते रुशन् श्वेतोभवन् इह अस्मिन् लोके निदातारं निरोधकं नविन्दते नलभते किन्तु स्तोतवेस्तोतुमंब्यं अन्यं स्तोतारं स्वयं वेति कामयते । अथवात्र वैद्युतोग्निरुच्यते वैद्युतोयं रुशन् चरंश्चेहान्तरिक्षे वत्सः सर्वदा वसन् वत्सस्थानीयोवा सन् निदातारं निरोधकं नविन्दते । किन्तु स्तोतुं अंब्यं माध्यमिकां वाचं वेति ॥ ५ ॥