परि᳚ त्रि॒धातु᳚रध्व॒रं जू॒र्णिरे᳚ति॒ नवी᳚यसी ।
मध्वा॒ होता᳚रो अञ्जते ॥
मध्वा॒ होता᳚रो अञ्जते ॥
पदपाठः (Word-by-word)
परि᳚ । त्रि॒॑धातुः᳚ । अ॒ध्व॒रम् । जू॒र्णिः । ए॒ति॒ । नवी᳚यसी ।
मध्वा᳚ । होता᳚रः । अ॒ञ्ज॒ते॒ ॥
मध्वा᳚ । होता᳚रः । अ॒ञ्ज॒ते॒ ॥
सायणभाष्यम् (Sayana Commentary)
अयमग्निः त्रिधातुः लोहितशुक्लकृष्णभेदेन त्रिवर्णः जूर्णिर्जवो वेगवान् नवीयसी नवीयस्या ज्वालया अध्वरं प्रवर्ग्यं एति गच्छति होतारो होमनि- ष्पादका अध्वर्य्वादयो मध्वा आज्यादिना पर्यच्चते । अथवा अग्नेः त्रिप्रकारा क्षिप्रा नवतरा ज्वालापर्येति महावीरं तं मध्वांजतइति ॥ ९ ॥