नम᳚स्ते अग्न॒ ओज᳚से गृ॒णन्ति᳚ देव कृ॒ष्टयः᳚ ।
अमै᳚र॒मित्र᳚मर्दय ॥
अमै᳚र॒मित्र᳚मर्दय ॥
पदपाठः (Word-by-word)
नमः᳚ । ते॒ । अ॒ग्ने॒ । ओज᳚से । गृ॒णन्ति᳚ । दे॒व॒ । कृ॒ष्टयः᳚ ।
अमैः᳚ । अ॒मित्र᳚म् । अ॒र्द॒य॒ ॥
अमैः᳚ । अ॒मित्र᳚म् । अ॒र्द॒य॒ ॥
सायणभाष्यम् (Sayana Commentary)
हे अग्ने देव ते तुभ्यं नमोगृणन्ति नमस्कारशब्दमुच्चारयन्ति । किमर्थमोजसे बलाय । के कृष्टयोमनुष्यायजमानाः अतोहमपि गृणामीत्यर्थः । तथा अमैर्बलैः अमित्रं शत्रुं अर्दय नाशय ॥ १० ॥ ग्राम्येणाग्निना वैतानिकस्य संसर्गे अग्नये संवर्गायेष्टिः कार्या । तत्र कुवित्सुनइत्यनुवाक्या मानोअस्मिन्निति याज्या । सूत्रितं च-कुवित्सुनोगविष्ट- ये मानोअस्मिन्महाधनइति ।