अ॒यम॒ग्निः स᳚ह॒स्रिणो॒ वाज᳚स्य श॒तिन॒स्पति᳚ः ।
मू॒र्धा क॒वी र᳚यी॒णाम् ॥
मू॒र्धा क॒वी र᳚यी॒णाम् ॥
पदपाठः (Word-by-word)
अ॒यम् । अ॒ग्निः । स॒ह॒स्रिणः᳚ । वाज᳚स्य । श॒तिनः᳚ । पतिः᳚ ।
मू॒र्धा । क॒विः । र॒यी॒णाम् ॥
मू॒र्धा । क॒विः । र॒यी॒णाम् ॥
सायणभाष्यम् (Sayana Commentary)
अयमग्निः शतिनः सहस्रिणश्च उक्तसंख्योपेतस्य वाजस्यान्नस्य पतिः स्वामी मूर्धा शिरोवदुन्नतः श्रेष्ठः कविर्मेधावी रयीणां धनानामपि पतिरिति- शेषः तदुभयंप्रयच्छत्वित्यर्थः ॥ ४ ॥