त्वं वि᳚ष्णो सुम॒तिं वि॒श्वज᳚न्या॒मप्र᳚युतामेवयावो म॒तिं दा᳚ः ।
पर्चो॒ यथा᳚ नः सुवि॒तस्य॒ भूरे॒रश्वा᳚वतः पुरुश्च॒न्द्रस्य᳚ रा॒यः ॥
पर्चो॒ यथा᳚ नः सुवि॒तस्य॒ भूरे॒रश्वा᳚वतः पुरुश्च॒न्द्रस्य᳚ रा॒यः ॥
पदपाठः (Word-by-word)
त्वम् । वि॒ष्णो॒ इति᳚ । सु॒॑म॒तिम् । वि॒श्व॑ज᳚न्याम् । अप्र᳚॑युताम् । ए॒व॒॑या॒वः॒ । म॒तिम् । दाः॒ ।
पर्चः᳚ । यथा᳚ । नः॒ । सु॒वि॒तस्य᳚ । भूरेः᳚ । अश्व᳚॑वतः । पु॒रु॒॑च॒न्द्रस्य᳚ । रा॒यः ॥
पर्चः᳚ । यथा᳚ । नः॒ । सु॒वि॒तस्य᳚ । भूरेः᳚ । अश्व᳚॑वतः । पु॒रु॒॑च॒न्द्रस्य᳚ । रा॒यः ॥
सायणभाष्यम् (Sayana Commentary)
हे एवयावः एवाः प्राप्तव्याः कामाः तान् यावयति प्रापयति स्तोतॄनित्येवयावः हे एवयावन् विष्णो त्वं विश्वजन्यां सर्वजनहितां अप्रयुतां दोषैर्वियुक्तां सुमतिं मतिं अनुग्रहबुद्धिं दाः अस्मभ्यं देहि सुवितस्य सुष्ठु प्राप्तव्यस्य भूरेर्बहुलस्य अश्वावतोश्वयुक्तस्य परुश्चन्द्रस्य पुरू- णां बहूनां आह्लादकस्य रायोधनस्य पर्चः संपर्कोनोस्माकं यथा भवति तथा देहीत्यन्वयः ॥ २ ॥ वैष्णव्यस्योपांशुयाजस्य त्रिर्देवइतियाज्या सूत्रितञ्च-इदंविष्णुर्विचक्रमे त्रिर्देवःपृथिवीमेषएतामिति । वैष्णव्येपशावप्येषैव वपायाज्या सूत्रितञ्च-त्रिर्देवःपृथिवीमेषएतां परोमात्रयातन्वावृधानेति ।