प्र तत्ते᳚ अ॒द्य शि᳚पिविष्ट॒ नामा॒र्यः शं᳚सामि व॒युना᳚नि वि॒द्वान् ।
तं त्वा᳚ गृणामि त॒वस॒मत᳚व्या॒न्क्षय᳚न्तम॒स्य रज᳚सः परा॒के ॥
तं त्वा᳚ गृणामि त॒वस॒मत᳚व्या॒न्क्षय᳚न्तम॒स्य रज᳚सः परा॒के ॥
पदपाठः (Word-by-word)
प्र । तत् । ते॒ । अ॒द्य । शि॒पि॒॑वि॒ष्ट॒ । नाम᳚ । अ॒र्यः । शं॒सा॒मि॒ । व॒युना᳚नि । वि॒द्वान् ।
तम् । त्वा॒ । गृ॒णा॒मि॒ । त॒वस᳚म् । अत᳚व्यान् । क्षय᳚न्तम् । अ॒स्य । रज᳚सः । प॒रा॒के ॥
तम् । त्वा॒ । गृ॒णा॒मि॒ । त॒वस᳚म् । अत᳚व्यान् । क्षय᳚न्तम् । अ॒स्य । रज᳚सः । प॒रा॒के ॥
सायणभाष्यम् (Sayana Commentary)
हे शिपिविष्ट रश्मिभिराविष्ट विष्णो ते तव तत्प्रसिद्धं विष्णुरिति प्रख्यातं नाम अर्यः स्वामी स्तुतीनां हविषां वा तथा वयुनानि ज्ञात- व्यान्यर्थजातानि विद्वान् जानन्नहं अद्येदानीं प्रशंसामि प्रकर्षेण स्तौमि तवसं प्रवृद्धं तं त्वा त्वां विष्णुं अतव्यान् अतवीयान् अवृद्धतरोहं गृणामि स्तौमि कीदृशं अस्य रजसोलोकस्य पराके दूरदेशे क्षयन्तं निवसन्तम् ॥ ५ ॥