प्रति᳚ त्वा दुहितर्दिव॒ उषो᳚ जी॒रा अ᳚भुत्स्महि ।
या वह᳚सि पु॒रु स्पा॒र्हं व᳚नन्वति॒ रत्नं॒ न दा॒शुषे॒ मयः᳚ ॥
या वह᳚सि पु॒रु स्पा॒र्हं व᳚नन्वति॒ रत्नं॒ न दा॒शुषे॒ मयः᳚ ॥
पदपाठः (Word-by-word)
प्रति᳚ । त्वा॒ । दु॒हि॒तः॒ । दि॒वः॒ । उषः᳚ । जी॒राः । अ॒भु॒त्स्म॒हि॒ ।
या । वह᳚सि । पु॒रु । स्पा॒र्हम् । व॒न॒न्॑व॒ति॒ । रत्न᳚म् । न । दा॒शुषे᳚ । मयः᳚ ॥
या । वह᳚सि । पु॒रु । स्पा॒र्हम् । व॒न॒न्॑व॒ति॒ । रत्न᳚म् । न । दा॒शुषे᳚ । मयः᳚ ॥
सायणभाष्यम् (Sayana Commentary)
हे दिवोदुहितः दिवोन्तरिक्षाज्जायमाने हेउषः उषोदेवते त्वा त्वां जीराः क्षिप्रकारिणोवयं प्रत्यभुत्स्महि प्रतिबोद्धारोभवेम हे वनन्वति वननं संभजनं संभक्तव्यं धनं वा तद्वति या त्वं पुरु बहु स्पार्हं स्पृहणीयं धनं वहसि प्रापयसि दशुषे हवींषि दत्तवते यजमानाय रत्नं न रमणीयं धनमिव मयः सुखंच या त्वं वहसि तां त्वां प्रत्यभुत्स्महीत्यन्वयः ॥ ३ ॥