तच्चि॒त्रं राध॒ आ भ॒रोषो॒ यद्दी᳚र्घ॒श्रुत्त᳚मम् ।
यत्ते᳚ दिवो दुहितर्मर्त॒भोज᳚नं॒ तद्रा᳚स्व भु॒नजा᳚महै ॥
यत्ते᳚ दिवो दुहितर्मर्त॒भोज᳚नं॒ तद्रा᳚स्व भु॒नजा᳚महै ॥
पदपाठः (Word-by-word)
तत् । चि॒त्रम् । राधः᳚ । आ । भ॒र॒ । उषः᳚ । यत् । दी॒र्घ॒श्रुत्॑त᳚मम् ।
यत् । ते॒ । दि॒वः॒ । दु॒हि॒तः॒ । म॒र्त॒॑भोज᳚नम् । तत् । रा॒स्व॒ । भु॒नजा᳚महै ॥
यत् । ते॒ । दि॒वः॒ । दु॒हि॒तः॒ । म॒र्त॒॑भोज᳚नम् । तत् । रा॒स्व॒ । भु॒नजा᳚महै ॥
सायणभाष्यम् (Sayana Commentary)
हे उषाः तच्चित्रं चायनीयं राधोधनं आभराहर अस्मभ्यं प्रयच्छ । यद्धनं दीर्घ श्रुत्तमं देशकालयोर्विप्रकर्षेप्यतिशयेन श्रोतव्यम् अपिच हे दिवोदुहितः ते तव त्वया देयं मर्तभोजनं मर्तानां मनुष्याणां भोगयोग्यं यदन्नमप्यस्ति तद्रास्व देह्यस्मभ्यम् वयञ्च त्वद्दत्तं धनमन्नञ्च भुनजामहै अभ्यवहरेम ॥ ५ ॥