अ॒यं त᳚ एमि त॒न्वा᳚ पु॒रस्ता॒द्विश्वे᳚ दे॒वा अ॒भि मा᳚ यन्ति प॒श्चात् ।
य॒दा मह्यं॒ दीध᳚रो भा॒गमि॒न्द्रादिन्मया᳚ कृणवो वी॒र्या᳚णि ॥
य॒दा मह्यं॒ दीध᳚रो भा॒गमि॒न्द्रादिन्मया᳚ कृणवो वी॒र्या᳚णि ॥
पदपाठः (Word-by-word)
अ॒यम् । ते॒ । ए॒मि॒ । त॒न्वा᳚ । पु॒रस्ता᳚त् । विश्वे᳚ । दे॒वाः । अ॒भि । मा॒ । य॒न्ति॒ । प॒श्चात् ।
य॒दा । मह्य᳚म् । दीध᳚रः । भा॒गम् । इ॒न्द्र॒ । आत् । इत् । मया᳚ । कृ॒ण॒वः॒ । वी॒र्या᳚णि ॥
य॒दा । मह्य᳚म् । दीध᳚रः । भा॒गम् । इ॒न्द्र॒ । आत् । इत् । मया᳚ । कृ॒ण॒वः॒ । वी॒र्या᳚णि ॥
सायणभाष्यम् (Sayana Commentary)
हे इन्द्र ते तव पुरस्तात् अग्रतः तन्वा पुत्रेणसह अयमहमेमि शत्रूनभिभवितुं गच्छामि । तवाग्रतोगच्छन्तं मां विश्वेदेवाः त्वया सह पश्चादभियन्ति अभिगच्छन्ति यदा त्वं मह्यं भार्गवाय नेमाय भागं शत्रुषु स्थितं भागं दीधरः धारयसि आदित् अनन्तरमेव मया सह मच्छत्रून् जेतुं वीर्याणि पौरुषाणि कृणवः कुरु । यदि शत्रुषु स्थितं धनं मह्यं दित्ससि तर्हि शत्रुजयार्थं गच्छतः सपुत्रस्य मम साहाय्यं कुर्वितिभावः ॥ १ ॥