प्र च᳚क्रे॒ सह᳚सा॒ सहो᳚ ब॒भञ्ज᳚ म॒न्युमोज᳚सा ।
विश्वे᳚ त इन्द्र पृतना॒यवो᳚ यहो॒ नि वृ॒क्षा इ᳚व येमिरे ॥
विश्वे᳚ त इन्द्र पृतना॒यवो᳚ यहो॒ नि वृ॒क्षा इ᳚व येमिरे ॥
पदपाठः (Word-by-word)
प्र । च॒क्रे॒ । सह᳚सा । सहः᳚ । ब॒भञ्ज᳚ । म॒न्युम् । ओज᳚सा ।
विश्वे᳚ । ते॒ । इ॒न्द्र॒ । पृ॒त॒ना॒॑यवः᳚ । य॒हो॒ इति᳚ । नि । वृ॒क्षाः॑इ᳚व । ये॒मि॒रे॒ ॥
विश्वे᳚ । ते॒ । इ॒न्द्र॒ । पृ॒त॒ना॒॑यवः᳚ । य॒हो॒ इति᳚ । नि । वृ॒क्षाः॑इ᳚व । ये॒मि॒रे॒ ॥
सायणभाष्यम् (Sayana Commentary)
सइन्द्रः सहसा आत्मीयेनाभिभवेन वीर्यकर्मणा सहः शत्रुणामभिभवनं प्रचक्रे प्रकर्षेण कृतवान् तथा ओजसा बलेन मन्युं परकीयं क्रोधं बभञ्ज भग्नवान् उत्तरोर्धर्चः प्रत्यक्षकृतः हे यहो महन्नामैतत् हे महन्निन्द्र विश्वे सर्वे पृतनायवः युद्धकामाः शत्रवः ते त्वया वृक्षाइव महीरुहाइव नियेमिरे नियताआसन् यथा वृक्षानिश्चलास्तिष्ठन्ति तद्वन्निर्व्यापारा अभूवन्नित्यर्थः ॥ ५ ॥