उ॒त त्वाम᳚दिते मह्य॒हं दे॒व्युप᳚ ब्रुवे ।
सु॒मृ॒ळी॒काम॒भिष्ट᳚ये ॥
सु॒मृ॒ळी॒काम॒भिष्ट᳚ये ॥
पदपाठः (Word-by-word)
उ॒त । त्वाम् । अ॒दि॒ते॒ । म॒हि॒ । अ॒हम् । दे॒वि॒ । उप᳚ । ब्रु॒वे॒ ।
सु॒॑मृ॒ळी॒काम् । अ॒भिष्ट᳚ये ॥
सु॒॑मृ॒ळी॒काम् । अ॒भिष्ट᳚ये ॥
सायणभाष्यम् (Sayana Commentary)
उतअपिच हे महि महति अदिते देवमातः देवि त्वा त्वां अहं मत्स्यपक्षे मत्स्यप्रमुखोहमुपब्रुवे उपेत्यस्तौमि । कीदृशीं सुमृळीकां सुष्ठु सुखयित्रीं किमर्थमभिष्टयेभिमताय ॥ १० ॥