तत्सु नो॒ नव्यं॒ सन्य᳚स॒ आदि᳚त्या॒ यन्मुमो᳚चति ।
ब॒न्धाद्ब॒द्धमि᳚वादिते ॥
ब॒न्धाद्ब॒द्धमि᳚वादिते ॥
पदपाठः (Word-by-word)
तत् । सु । नः॒ । नव्य᳚म् । सन्य᳚से । आदि᳚त्याः । यत् । मुमो᳚चति ।
ब॒न्धात् । ब॒द्धम्॑इ᳚व । अ॒दि॒ते॒ ॥
ब॒न्धात् । ब॒द्धम्॑इ᳚व । अ॒दि॒ते॒ ॥
सायणभाष्यम् (Sayana Commentary)
तद्बन्धकं नोस्माकं सु सुष्ठु नव्यं स्तुत्यं सन्यसे संभजनाय भवतु अस्माकं मोचनेन स्तुत्यं भवत्वित्यर्थः । हे आदित्या अदितेः पुत्राः हे अदिते त्वदनुग्रहाद्यन्मुमोचति मुचत्यस्मान् बन्धाद्बद्धमिव बन्धनसाधनंपूर्वं यत्प्रतिबन्धकत्वादासीत् तदेव युष्मदनुग्रहादस्मान्मुञ्चतु यद्वा युष्माकं यद्रक्षणमस्मान्मुचति तत् सु सुष्ठु स्तुत्यं संभजनाय भवत्विति योज्यम् ॥ १८ ॥