अच्छा᳚ नः शी॒रशो᳚चिषं॒ गिरो᳚ यन्तु दर्श॒तम् ।
अच्छा᳚ य॒ज्ञासो॒ नम᳚सा पुरू॒वसुं᳚ पुरुप्रश॒स्तमू॒तये᳚ ॥
अच्छा᳚ य॒ज्ञासो॒ नम᳚सा पुरू॒वसुं᳚ पुरुप्रश॒स्तमू॒तये᳚ ॥
पदपाठः (Word-by-word)
अच्छ᳚ । नः॒ । शी॒र॑शो᳚चिषम् । गिरः᳚ । य॒न्तु॒ । द॒र्श॒तम् ।
अच्छ᳚ । य॒ज्ञासः᳚ । नम᳚सा । पु॒रु॒॑वसु᳚म् । पु॒रु॒॑प्र॒श॒स्तम् । ऊ॒तये᳚ ॥
अच्छ᳚ । य॒ज्ञासः᳚ । नम᳚सा । पु॒रु॒॑वसु᳚म् । पु॒रु॒॑प्र॒श॒स्तम् । ऊ॒तये᳚ ॥
सायणभाष्यम् (Sayana Commentary)
अच्छाभिमुखं यन्तु गच्छन्तु नोस्माकं गिरः स्तुतयः कं शीरशोचिषं अशनशीलज्वालं दर्शतं सर्वैर्दर्शनीयं अग्निम् । तथा यज्ञासो यज्ञाश्चास्मदीया नमसा हविषाज्यादिलक्षणेनाच्छा भिमुखं यन्तु गच्छतु । कीदृशं पुरुवसुं प्रभूतधनं पुरुप्रशस्तं बहुस्तुतं किमर्थं ऊतयेस्माकं रक्षणाय ॥ १० ॥