न तम᳚ग्ने॒ अरा᳚तयो॒ मर्तं᳚ युवन्त रा॒यः ।
यं त्राय᳚से दा॒श्वांस᳚म् ॥
यं त्राय᳚से दा॒श्वांस᳚म् ॥
पदपाठः (Word-by-word)
न । तम् । अ॒ग्ने॒ । अरा᳚तयः । मर्त᳚म् । यु॒व॒न्त॒ । रा॒यः ।
यम् । त्राय᳚से । दा॒श्वांस᳚म् ॥
यम् । त्राय᳚से । दा॒श्वांस᳚म् ॥
सायणभाष्यम् (Sayana Commentary)
हे अग्ने तं मर्तं मनुष्यं स्तोतारं अरातयः अदानशीला द्वेषिणो रायो रयिमन्तो न युवन्त न पृथक्कुर्वन्ति रायो धनाद्वा नयुवन्त यं दाश्वांसं हविर्दातारं त्रायसे पालयसे ॥ ४ ॥