उ॒रु॒ष्या णो॒ मा परा᳚ दा अघाय॒ते जा᳚तवेदः ।
दु॒रा॒ध्ये॒३॒᳚ मर्ता᳚य ॥
दु॒रा॒ध्ये॒३॒᳚ मर्ता᳚य ॥
पदपाठः (Word-by-word)
उ॒रु॒ष्य । नः॒ । मा । परा᳚ । दाः॒ । अ॒घ॒॑य॒ते । जा॒त॒॑वे॒दः॒ ।
दुः॒॑आ॒ध्ये᳚ । मर्ता᳚य ॥
दुः॒॑आ॒ध्ये᳚ । मर्ता᳚य ॥
सायणभाष्यम् (Sayana Commentary)
हे जातवेदः जातविद्य जातधन वा अग्ने नोस्मानुरुष्य रक्ष । उरुष्यती रक्षाकर्मेति यास्कः । मापरादाः मापरादेह्यस्मान् । कस्माइति सउच्यते अघायते अघं पापमिच्छते दुराध्ये दुराध्यानाय दुर्विचिन्तकाय हिंसाबुद्धये मर्ताय मनुष्याय ॥ ७ ॥