अ॒ग्निं वो᳚ देवय॒ज्यया॒ग्निं प्र᳚य॒त्य᳚ध्व॒रे ।
अ॒ग्निं धी॒षु प्र᳚थ॒मम॒ग्निमर्व᳚त्य॒ग्निं क्षैत्रा᳚य॒ साध᳚से ॥
अ॒ग्निं धी॒षु प्र᳚थ॒मम॒ग्निमर्व᳚त्य॒ग्निं क्षैत्रा᳚य॒ साध᳚से ॥
पदपाठः (Word-by-word)
अ॒ग्निम् । वः॒ । दे॒व॒॑य॒ज्यया᳚ । अ॒ग्निम् । प्र॒॑य॒ति । अ॒ध्व॒रे ।
अ॒ग्निम् । धी॒षु । प्र॒थ॒मम् । अ॒ग्निम् । अर्व᳚ति । अ॒ग्निम् । क्षैत्रा᳚य । साध᳚से ॥
अ॒ग्निम् । धी॒षु । प्र॒थ॒मम् । अ॒ग्निम् । अर्व᳚ति । अ॒ग्निम् । क्षैत्रा᳚य । साध᳚से ॥
सायणभाष्यम् (Sayana Commentary)
हे यजमाना वो युष्माकं देवयज्यया देवयागेन निमित्तेन देवयागार्थमग्निं स्तौमीतिशेषः । तथाग्निं अध्वरे यागे प्रयति प्रकर्षेण गच्छति प्रवृत्तेसति स्तौमि । प्रथमं इतरदेवेभ्यः । तथाग्निमर्वति आगते भ्रातृव्ये स्तौमि । यज्ञे विघ्नपरिहारार्थम् । तथा क्षैत्राय क्षेत्राय क्षेत्रसंबन्धिने साधसे साधनाय क्षेत्रलाभाय स्तौमि । यज्ञान्ते क्षेत्रलाभरूपाय फलायच स्तौमि । एवं आदौ मध्येन्तेच सर्वदा स्तौमीत्यर्थः ॥ १२ ॥