या॒तं छ᳚र्दि॒ष्पा उ॒त नः᳚ पर॒स्पा भू॒तं ज᳚ग॒त्पा उ॒त न᳚स्तनू॒पा ।
व॒र्तिस्तो॒काय॒ तन᳚याय यातम् ॥
व॒र्तिस्तो॒काय॒ तन᳚याय यातम् ॥
पदपाठः (Word-by-word)
या॒तम् । छ॒र्दिः॒॑पौ । उ॒त । नः॒ । प॒रः॒॑पा । भू॒तम् । ज॒ग॒त्॑पौ । उ॒त । नः॒ । त॒नू॒॑पा ।
व॒र्तिः । तो॒काय᳚ । तन᳚याय । या॒त॒म् ॥
व॒र्तिः । तो॒काय᳚ । तन᳚याय । या॒त॒म् ॥
सायणभाष्यम् (Sayana Commentary)
हे अश्विनौ छर्दिष्पौ छर्दिरिति गृहनाम तस्यास्मदीयस्य पालकौ सन्तौ युवां यातमागच्छतम् । उतापिच नोस्माकं परस्पा परं अतिशयेन पालकौ भूतं भवतं पारस्करादित्वात्सुट् । तथा जगत्पौ सर्वस्य जगतः जङ्गमस्य प्राणिजातस्यास्मदीयस्य पालकौ भवतम् । उतापिच नोस्माकं तनूपा तनूनां शरीराणां तनयानां वा पालकौ भवतम् एतत्सर्वार्थं तोकाय तोकस्य पुत्रस्य तनयाय तनयस्य पौत्रस्य वास्मदी- यस्य वर्तिगृहं यातं गच्छतम् ॥ ११ ॥