यदु᳚षो॒ यासि᳚ भा॒नुना॒ सं सूर्ये᳚ण रोचसे ।
आ हा॒यम॒श्विनो॒ रथो᳚ व॒र्तिर्या᳚ति नृ॒पाय्य᳚म् ॥
आ हा॒यम॒श्विनो॒ रथो᳚ व॒र्तिर्या᳚ति नृ॒पाय्य᳚म् ॥
पदपाठः (Word-by-word)
यत् । उ॒षः॒ । यासि᳚ । भा॒नुना᳚ । सम् । सूर्ये᳚ण । रो॒च॒से॒ ।
आ । ह॒ । अ॒यम् । अ॒श्विनोः᳚ । रथः᳚ । व॒र्तिः । या॒ति॒ । नृ॒॑पाय्य᳚म् ॥
आ । ह॒ । अ॒यम् । अ॒श्विनोः᳚ । रथः᳚ । व॒र्तिः । या॒ति॒ । नृ॒॑पाय्य᳚म् ॥
सायणभाष्यम् (Sayana Commentary)
हे उषः भानुना दीप्त्यासह यद्यदा यासि गच्छसि तदानीं सूर्येण संरोचसे सम्यग्दीप्यसे । अपिच तस्मिन्समये अश्विनोरयं रथः नृपाय्यं यत् नृभिर्नेतृभिरृत्विग्भिः पालनीयं वर्तिर्यज्ञगृहं आयाति हं आगच्छति खलु ॥ १८ ॥