अ॒यं वां᳚ घ॒र्मो अ᳚श्विना॒ स्तोमे᳚न॒ परि᳚ षिच्यते ।
अ॒यं सोमो॒ मधु᳚मान्वाजिनीवसू॒ येन᳚ वृ॒त्रं चिके᳚तथः ॥
अ॒यं सोमो॒ मधु᳚मान्वाजिनीवसू॒ येन᳚ वृ॒त्रं चिके᳚तथः ॥
पदपाठः (Word-by-word)
अ॒यम् । वा॒म् । घ॒र्मः । अ॒श्वि॒ना॒ । स्तोमे᳚न । परि᳚ । सि॒च्य॒ते॒ ।
अ॒यम् । सोमः᳚ । मधु᳚॑मान् । वा॒जि॒नी॒व॒सू॒ इति᳚ वाजिनी॑वसू । येन᳚ । वृ॒त्रम् । चिके᳚तथः ॥
अ॒यम् । सोमः᳚ । मधु᳚॑मान् । वा॒जि॒नी॒व॒सू॒ इति᳚ वाजिनी॑वसू । येन᳚ । वृ॒त्रम् । चिके᳚तथः ॥
सायणभाष्यम् (Sayana Commentary)
हे अश्विनौ वां युवयोः संबन्धी अयं घर्मः प्रवर्ग्यं स्तोमेन स्तोत्रेण ऋक्सामरूपेण परिषिच्यते आर्द्रीक्रियते यथा युवयोस्तृप्तिकरोभवति तथा क्रियतइत्यर्थः यद्वा घर्मस्य हविषआधारभूतोमहावीरोघर्मः सः स्तोमेन स्तोतव्येन पयसा परिषिच्यते आसिच्यते वां युवयोरर्थम् । अपिच हे वाजिनीवसू अन्नवद्धनौ अयं सोमस्तार्तीयस्वनिकोमधुमान् माधुर्यवान् युवाभ्यां दीयते येन युवां वृत्रमावरकं शत्रुं चिकेतथः हन्तव्यतया जानीथः अयं घर्मः सोमश्चेत्युभयत्रान्वयः ॥ ४ ॥