ये वां॒ दंसां᳚स्यश्विना॒ विप्रा᳚सः परिमामृ॒शुः ।
ए॒वेत्का॒ण्वस्य᳚ बोधतम् ॥
ए॒वेत्का॒ण्वस्य᳚ बोधतम् ॥
पदपाठः (Word-by-word)
ये । वा॒म् । दंसां᳚सि । अ॒श्वि॒ना॒ । विप्रा᳚सः । प॒रि॒॑म॒मृ॒शुः ।
ए॒व । इत् । का॒ण्वस्य᳚ । बो॒ध॒त॒म् ॥
ए॒व । इत् । का॒ण्वस्य᳚ । बो॒ध॒त॒म् ॥
सायणभाष्यम् (Sayana Commentary)
हे अश्विनौ वां युवयोः संबन्धीनि दंसांसि कर्माणि परिचरणात्मकानि ये विप्रासोविप्रामेधाविनोयजमानाः परिमामृशुः परिमृशन्ति पुनःपुनः स्पृशन्ति अनुतिष्ठन्तीत्यर्थः यथा तदीयानि परिचरणानि युवां जानीथः एवेत् एवमेव काण्वस्य कण्वपुत्रस्य मम परिचरणं बोधतमवगच्छतम् ॥ ३ ॥