आ नू॒नम॒श्विनो॒रृषि॒ः स्तोमं᳚ चिकेत वा॒मया᳚ ।
आ सोमं॒ मधु᳚मत्तमं घ॒र्मं सि᳚ञ्चा॒दथ᳚र्वणि ॥
आ सोमं॒ मधु᳚मत्तमं घ॒र्मं सि᳚ञ्चा॒दथ᳚र्वणि ॥
पदपाठः (Word-by-word)
आ । नू॒नम् । अ॒श्विनोः᳚ । ऋषिः᳚ । स्तोम᳚म् । चि॒के॒त॒ । वा॒मया᳚ ।
आ । सोम᳚म् । मधु᳚मत्॑तमम् । घ॒र्मम् । सि॒ञ्चा॒त् । अथ᳚र्वणि ॥
आ । सोम᳚म् । मधु᳚मत्॑तमम् । घ॒र्मम् । सि॒ञ्चा॒त् । अथ᳚र्वणि ॥
सायणभाष्यम् (Sayana Commentary)
हे अश्विनौ यदा युवामागच्छेयाथां यथा तदानीं युवयोरश्विनोः स्तोमं स्तोत्रं ऋषिर्मन्त्रद्रष्टा वामया वननीयया उत्कृष्टया बुद्भ्या नूनमव- श्यं आचिकेत अभिजानीयात् कितज्ञाने छान्दसोलिट् । तथा मधुमत्तमं अतिशयेन मधुरं सोमं घर्मं प्रवर्ग्यसंबन्धिघर्माख्यं हविश्च अथर्वणि अहिंसकग्नौ यद्वा अथर्वाऋषिः तेननिर्मथितो ग्निरुपचारादथर्वेत्युच्यते अथर्वणानिर्मथनञ्च-त्वामग्नेपुष्करादधीत्यादिनिगमान्त- रेवगम्यते । तस्मिन्नग्नौ आसिञ्चात् आसिञ्चेत् प्रक्षिपेत् अतः शीघ्रमागच्छतमित्यर्थः ॥ ७ ॥