समीं᳚ रे॒भासो᳚ अस्वर॒न्निन्द्रं॒ सोम᳚स्य पी॒तये᳚ ।
स्व᳚र्पतिं॒ यदीं᳚ वृ॒धे धृ॒तव्र᳚तो॒ ह्योज᳚सा॒ समू॒तिभि᳚ः ॥
स्व᳚र्पतिं॒ यदीं᳚ वृ॒धे धृ॒तव्र᳚तो॒ ह्योज᳚सा॒ समू॒तिभि᳚ः ॥
पदपाठः (Word-by-word)
सम् । ई॒म् । रे॒भासः᳚ । अ॒स्व॒र॒न् । इन्द्र᳚म् । सोम᳚स्य । पी॒तये᳚ ।
स्वः᳚॑पतिम् । यत् । ई॒म् । वृ॒धे । धृ॒त॑व्र᳚तः । हि । ओज᳚सा । सम् । ऊ॒ति॑भिः᳚ ॥
स्वः᳚॑पतिम् । यत् । ई॒म् । वृ॒धे । धृ॒त॑व्र᳚तः । हि । ओज᳚सा । सम् । ऊ॒ति॑भिः᳚ ॥
सायणभाष्यम् (Sayana Commentary)
रेभासः रेभृशब्दे शब्दयितारः स्तोतारः यद्वा रेभासः कश्यपपुत्रारेभाः एतन्नामकाऋषयः ईमेनमिन्द्रं समस्वरन् सम्यगशब्दयन् समस्तुवन् । किमर्थं सोमस्य पीतये सोमपानाय । किंच स्वर्पतिं स्वर्गस्यपालयितारं धनस्यस्वामिनंवा ईमेनमिन्द्रं यद्यदा वृधे हविर्भिर्वर्धनाय संस्तुवन्ति तथा धृतव्रतो धृकर्मेन्द्रः ओजसा बलेन स्तोतृभिः ऊतिभिर्मरुद्धिः पालनैश्चसह संगच्छते स्तुतिभिर्बलंमरुद्भिः पालनं चेन्द्रस्य भवतित्यर्थः ॥ ११ ॥