यद्वासि᳚ रोच॒ने दि॒वः स᳚मु॒द्रस्याधि᳚ वि॒ष्टपि᳚ ।
यत्पार्थि᳚वे॒ सद᳚ने वृत्रहन्तम॒ यद॒न्तरि᳚क्ष॒ आ ग᳚हि ॥
यत्पार्थि᳚वे॒ सद᳚ने वृत्रहन्तम॒ यद॒न्तरि᳚क्ष॒ आ ग᳚हि ॥
पदपाठः (Word-by-word)
यत् । वा॒ । असि᳚ । रो॒च॒ने । दि॒वः । स॒मु॒द्रस्य᳚ । अधि᳚ । वि॒ष्टपि᳚ ।
यत् । पार्थि᳚वे । सद᳚ने । वृ॒त्र॒ह॒न्॑त॒म॒ । यत् । अ॒न्तरि᳚क्षे । आ । ग॒हि॒ ॥
यत् । पार्थि᳚वे । सद᳚ने । वृ॒त्र॒ह॒न्॑त॒म॒ । यत् । अ॒न्तरि᳚क्षे । आ । ग॒हि॒ ॥
सायणभाष्यम् (Sayana Commentary)
हे इन्द्र यद्वा यदिवा दिवोद्युलोकस्य रोचने दीपनशीले स्थाने असि भवसि । यद्वा समुद्रस्य मध्ये अधि अधिगते विष्टपि विष्टपे तत्संबद्धे कस्मिं- श्चित्स्थाने भवसि । हे वृत्रहन्तम अतिशयेन वृत्रस्यासुरस्य पापस्य वा हन्तरिन्द्र यद्यदिवा पार्थिवे पृथिव्यांभवे सदने स्थाने विद्यसे यदिवा अन्तरिक्षे तस्मिन् लोके वर्तसे यत्रकुत्र भवसि तथापि अस्मदीयं यज्ञं प्रत्यागहि आगच्छ ॥ ५ ॥