यमि᳚न्द्र दधि॒षे त्वमश्वं॒ गां भा॒गमव्य᳚यम् ।
यज᳚माने सुन्व॒ति दक्षि᳚णावति॒ तस्मि॒न्तं धे᳚हि॒ मा प॒णौ ॥
यज᳚माने सुन्व॒ति दक्षि᳚णावति॒ तस्मि॒न्तं धे᳚हि॒ मा प॒णौ ॥
पदपाठः (Word-by-word)
यम् । इ॒न्द्र॒ । द॒धि॒षे । त्वम् । अश्व᳚म् । गाम् । भा॒गम् । अव्य᳚यम् ।
यज᳚माने । सु॒न्व॒ति । दक्षि᳚णा॑वति । तस्मि᳚न् । तम् । धे॒हि॒ । मा । प॒णौ ॥
यज᳚माने । सु॒न्व॒ति । दक्षि᳚णा॑वति । तस्मि᳚न् । तम् । धे॒हि॒ । मा । प॒णौ ॥
सायणभाष्यम् (Sayana Commentary)
हे इन्द्र त्वं यमश्वं गमनसाधनान् हरीन् गां अग्निहोत्रकर्मणि पयःप्रदानेनोपकारिकागाः अव्ययं व्ययरहितं अविनश्वरं भागं भजनीयं धनं सर्वत्रै- कत्वमविवक्षितं एतान् शत्रुभ्यः आहृत्य दधिषे धत्से बिभर्षि । तं सर्वं सुन्वति सोमाभिषवं कुर्वति दक्षिणावति यज्ञे ऋत्विग्भ्योदक्षिणादेयत्वेन तद्वति यजमाने यागंकुर्वाणे तस्मिन् त्वं धेहि । सर्वत्रधनादिदानं माकुर्वित्याह मापणौ पणव्यवहारे द्रव्यव्यवहारादयष्टाजनः पणिः तस्मिन् एतत्सर्वं मादेहि ॥ २ ॥