उदु॒ ब्रह्मा᳚ण्यैरत श्रव॒स्येन्द्रं᳚ सम॒र्ये म᳚हया वसिष्ठ ।
आ यो विश्वा᳚नि॒ शव᳚सा त॒तानो᳚पश्रो॒ता म॒ ईव᳚तो॒ वचां᳚सि ॥
आ यो विश्वा᳚नि॒ शव᳚सा त॒तानो᳚पश्रो॒ता म॒ ईव᳚तो॒ वचां᳚सि ॥
पदपाठः (Word-by-word)
उत् । ऊं॒ इति᳚ । ब्रह्मा᳚णि । ऐ॒र॒त॒ । श्र॒व॒स्या । इन्द्र᳚म् । स॒॑म॒र्ये । म॒ह॒य॒ । व॒सि॒ष्ठ॒ ।
आ । यः । विश्वा᳚नि । शव᳚सा । त॒तान᳚ । उ॒प॒॑श्रो॒ता । मे॒ । ईव᳚तः । वचां᳚सि ॥
आ । यः । विश्वा᳚नि । शव᳚सा । त॒तान᳚ । उ॒प॒॑श्रो॒ता । मे॒ । ईव᳚तः । वचां᳚सि ॥
सायणभाष्यम् (Sayana Commentary)
श्रवस्यान्नेच्छया ब्रह्माणि स्तोत्राणि हवींषि चेन्द्रार्थं उदैरत् सर्वेऋषयइति शेषः उइति पूरणः हे वसिष्ठ त्वमपि समर्ये यज्ञे इन्द्रं महय स्तोत्रेण हविषा च पूजय अपि च यइन्द्रो विश्वानि भुवनानि शवसा बलेन ततान व्याप्तवान् सईवतः उपगमनवतो मे मम वचांसि स्तुतिरूपाणि वाक्यानि उपश्रोता भवत् ॥ १ ॥