ते त्वा॒ मदा᳚ इन्द्र मादयन्तु शु॒ष्मिणं᳚ तुवि॒राध᳚सं जरि॒त्रे ।
एको᳚ देव॒त्रा दय᳚से॒ हि मर्ता᳚न॒स्मिञ्छू᳚र॒ सव᳚ने मादयस्व ॥
एको᳚ देव॒त्रा दय᳚से॒ हि मर्ता᳚न॒स्मिञ्छू᳚र॒ सव᳚ने मादयस्व ॥
पदपाठः (Word-by-word)
ते । त्वा॒ । मदाः᳚ । इ॒न्द्र॒ । मा॒द॒य॒न्तु॒ । शु॒ष्मिण᳚म् । तु॒वि॒॑राध᳚सम् । ज॒रि॒त्रे ।
एकः᳚ । दे॒व॒॑त्रा । दय᳚से । हि । मर्ता᳚न् । अ॒स्मिन् । शू॒र॒ । सव᳚ने । मा॒द॒य॒स्व॒ ॥
एकः᳚ । दे॒व॒॑त्रा । दय᳚से । हि । मर्ता᳚न् । अ॒स्मिन् । शू॒र॒ । सव᳚ने । मा॒द॒य॒स्व॒ ॥
सायणभाष्यम् (Sayana Commentary)
हे इन्द्र त्वा त्वां तएते मदाः मदकाराः सोमाः मादयन्तु अपि च जरित्रे स्तोत्रे शुष्मिणं बलवन्तं तुविराधसं बहुधनं पुत्रं प्रयच्छसीति शेषः । हे शूर त्वं देवत्रा देवेषु एकएव मर्तान् मनुष्यान् दयसे हि दयतिरनुकंपार्थः अस्मिन् सवने यज्ञे मादयस्व ॥ ५ ॥