अया᳚मि॒ घोष᳚ इन्द्र दे॒वजा᳚मिरिर॒ज्यन्त॒ यच्छु॒रुधो॒ विवा᳚चि ।
न॒हि स्वमायु᳚श्चिकि॒ते जने᳚षु॒ तानीदंहां॒स्यति᳚ पर्ष्य॒स्मान् ॥
न॒हि स्वमायु᳚श्चिकि॒ते जने᳚षु॒ तानीदंहां॒स्यति᳚ पर्ष्य॒स्मान् ॥
पदपाठः (Word-by-word)
अया᳚मि । घोषः᳚ । इ॒न्द्र॒ । दे॒व॑जा᳚मिः । इ॒र॒ज्यन्त᳚ । यत् । शु॒रुधः᳚ । वि॑वा᳚चि ।
न॒हि । स्वम् । आयुः᳚ । चि॒कि॒ते । जने᳚षु । तानि᳚ । इत् । अंहां᳚सि । अति᳚ । प॒र्षि॒ । अ॒स्मान् ॥
न॒हि । स्वम् । आयुः᳚ । चि॒कि॒ते । जने᳚षु । तानि᳚ । इत् । अंहां᳚सि । अति᳚ । प॒र्षि॒ । अ॒स्मान् ॥
सायणभाष्यम् (Sayana Commentary)
यद्यदा शुरुधः शुचं संरुन्धन्तीति शुरुध ओषध्य इरज्यन्त वर्धन्ते तदा हे इन्द्र त्वदर्थं विवाचि स्तोतरि देवजामिर्देवानां बन्धुः घोषः स्तुतिरूपः शब्दः अयामि अकारि अपि च जनेषु मध्ये केनापि स्वमायुः स्वं जीवितं नहि निकिते ज्ञायते थैरायुः क्षीयते तानीत् तानि सर्वाण्येव अंहांसि पापान्यस्मानतिपर्षि अतिपारय ॥ २ ॥