आप᳚श्चित्पिप्युः स्त॒र्यो॒३॒᳚ न गावो॒ नक्ष᳚न्नृ॒तं ज᳚रि॒तार᳚स्त इन्द्र ।
या॒हि वा॒युर्न नि॒युतो᳚ नो॒ अच्छा॒ त्वं हि धी॒भिर्दय᳚से॒ वि वाजा᳚न् ॥
या॒हि वा॒युर्न नि॒युतो᳚ नो॒ अच्छा॒ त्वं हि धी॒भिर्दय᳚से॒ वि वाजा᳚न् ॥
पदपाठः (Word-by-word)
आपः᳚ । चि॒त् । पि॒प्युः॒ । स्त॒र्यः᳚ । न । गावः᳚ । नक्ष᳚न् । ऋ॒तम् । ज॒रि॒तारः᳚ । ते॒ । इ॒न्द्र॒ ।
या॒हि । वा॒युः । न । नि॒॑युतः᳚ । नः॒ । अच्छ᳚ । त्वम् । हि । धी॒भिः । दय᳚से । वि । वाजा᳚न् ॥
या॒हि । वा॒युः । न । नि॒॑युतः᳚ । नः॒ । अच्छ᳚ । त्वम् । हि । धी॒भिः । दय᳚से । वि । वाजा᳚न् ॥
सायणभाष्यम् (Sayana Commentary)
हे इन्द्र त्वत्प्रसादादापश्चित् आपः तर्योन गावः तर्योवशागावइव पिप्युः वर्धंताम् । अप्रसूतागावोमांसलाभवन्ति हि । ते तव जरितारः स्तोतारश्च ऋतमुदकं नक्षन् व्याप्नुवन् । अपि च त्वं नोस्मान् नियुतोवायुर्न वायुरिव अच्छ याहि अभियाहि । त्वं हि धीभिः प्रज्ञाभिः कर्मभिर्वा वाजानन्नानि विदयसे स्तोतृभ्यः प्रयच्छसि ॥ ४ ॥