यु॒वो रा॒ष्ट्रं बृ॒हदि᳚न्वति॒ द्यौर्यौ से॒तृभि᳚रर॒ज्जुभि᳚ः सिनी॒थः ।
परि᳚ नो॒ हेळो॒ वरु᳚णस्य वृज्या उ॒रुं न॒ इन्द्र᳚ः कृणवदु लो॒कम् ॥
परि᳚ नो॒ हेळो॒ वरु᳚णस्य वृज्या उ॒रुं न॒ इन्द्र᳚ः कृणवदु लो॒कम् ॥
पदपाठः (Word-by-word)
यु॒वोः । रा॒ष्ट्रम् । बृ॒हत् । इ॒न्व॒ति॒ । द्यौः । यौ । से॒तृ॑भिः᳚ । अ॒र॒ज्जु॑भिः᳚ । सि॒नी॒थः ।
परि᳚ । नः॒ । हेळः᳚ । वरु᳚णस्य । वृ॒ज्याः॒ । उ॒रुम् । नः॒ । इन्द्रः᳚ । कृ॒ण॒व॒त् । ऊं॒ इति᳚ । लो॒कम् ॥
परि᳚ । नः॒ । हेळः᳚ । वरु᳚णस्य । वृ॒ज्याः॒ । उ॒रुम् । नः॒ । इन्द्रः᳚ । कृ॒ण॒व॒त् । ऊं॒ इति᳚ । लो॒कम् ॥
सायणभाष्यम् (Sayana Commentary)
हे इन्द्रावरुणौ युवोर्युवयोः बृहन्महत् राष्ट्रं राज्यं द्यौः द्युलोकरूपं इन्वति वृष्ट्या सर्वान् प्रीणयति यौ युवां सेक्तृभिर्बन्धकैः अरज्जुभिः रज्जुरहितैः रोगादिभिः सिनीथः पापकृतोबध्नीथः षिञ् बन्धने इतिधातुः तयोर्मध्ये वरुणस्य वारयितुर्देवस्य हेळः क्रोधः नोस्मान्परिवृ- ज्याः परिवृणक्तु परित्यज्यान्यत्रगच्छतु । इन्द्रउ इन्द्रश्च उरुं विस्तीर्णं लोकं स्थानं कृणवत्करोतु ॥ २ ॥