ये सूरयः स्तोतारः इन्द्रमादनासः स्तोत्रैरिन्द्रस्य तपेयितारः तथा वायवे वायोश्चमादनास्तर्पका भवन्ति येच आदेवासः आगतैः देवै- रुपेताः अतएव अर्यः अरेः शत्रोर्नितोशनासो निहन्तारः तैरस्मदीयैः सूरिभिः स्तोतृभिः वृत्राणि शत्रून् घ्रन्तः हिसन्तः स्याम भवेम किंकुर्वन्तः अमित्रान् शत्रूभटान् नृभिरस्मदीयैः पुरुषैः युधा युद्धेभिः ससह्वांसोभिभवन्तः ॥ ४ ॥ नियुत्वद्वायुदेवताके पशौ आनोनियुद्भिरिति हविषोनुवाक्या सूत्रितञ्च-आनोनियुद्भिः शतिनीभिरध्वरंपीवो अन्नाँरयिवृधः सिमेधाइति । प्रथमे छन्दोमे प्रउगे वायव्यतृचस्यैषैव तृतीया सूत्रितदञ्च-आनोनीयुद्भिःशतिनीभिरध्वरंप्रसोताजीरोअध्वरेष्वस्थादिति ।