यो यजा᳚ति॒ यजा᳚त॒ इत्सु॒नव᳚च्च॒ पचा᳚ति च ।
ब्र॒ह्मेदिन्द्र᳚स्य चाकनत् ॥
ब्र॒ह्मेदिन्द्र᳚स्य चाकनत् ॥
पदपाठः (Word-by-word)
यः । यजा᳚ति । यजा᳚ते । इत् । सु॒नव᳚त् । च॒ । पचा᳚ति । च॒ ।
ब्र॒ह्मा । इत् । इन्द्र᳚स्य । चा॒क॒न॒त् ॥
ब्र॒ह्मा । इत् । इन्द्र᳚स्य । चा॒क॒न॒त् ॥
सायणभाष्यम् (Sayana Commentary)
योयजमानः सकृद्यजाति यागंकरोति हविर्भिर्देवान्पूजयति सदेवेभ्योलब्धधनादिकःसन् यजातइत् पुनरभीष्टप्राप्तये देवेभ्योहवींषिप्रयच्छत्येव । तथा सएव यजमानःसुनवच्च सोमाभिषवं करोतिच सएव पचातिच पशुपुरोडाशादिकं पचतिच सर्वत्र यजादिषु लेट्यडागमः सयजमानः इन्द्रस्य ब्रह्मा ब्रह्माणि इदवधारणे इन्द्रसम्बन्धीनिस्तोत्राण्येव चाकनत् पुनःपुनः कामयते कनतेः कान्त्यर्थाद्यङ्लुकि अभ्यासत्वं छान्दसम् ततोलेट्यडागमः । अ- त्रयागे यजमानोधनादिलभतइति यज्ञप्रशंसा सएवदृष्टफलः सन् सोमाभिषवादीन्करोतीति यजमानप्रशंसा ॥ १ ॥