अस॒दत्र᳚ सु॒वीर्य᳚मु॒त त्यदा॒श्वश्व्य᳚म् ।
दे॒वानां॒ य इन्मनो॒ यज᳚मान॒ इय᳚क्षत्य॒भीदय᳚ज्वनो भुवत् ॥
दे॒वानां॒ य इन्मनो॒ यज᳚मान॒ इय᳚क्षत्य॒भीदय᳚ज्वनो भुवत् ॥
पदपाठः (Word-by-word)
अस᳚त् । अत्र᳚ । सु॒॑वीर्य᳚म् । उ॒त । त्यत् । आ॒शु॒॑अश्व्य᳚म् ।
दे॒वाना᳚म् । यः । इत् । मनः᳚ । यज᳚मानः । इय᳚क्षति । अ॒भि । इत् । अय᳚ज्वनः । भु॒व॒त् ॥
दे॒वाना᳚म् । यः । इत् । मनः᳚ । यज᳚मानः । इय᳚क्षति । अ॒भि । इत् । अय᳚ज्वनः । भु॒व॒त् ॥
सायणभाष्यम् (Sayana Commentary)
योयजमानो देवानां मनोयष्टुमिच्छति अत्रास्मिन्यजमाने सुवीर्यं शोभनवीर्योपेतं पुत्रादिकमसत् भवत्येव उतापिच आश्वश्व्यं आशुगमनाश्वसंघयुक्तं त्यत् तद्धनादिकं तस्मिन्यजमाने भवति देवानां मनोयोजनः हविर्भिर्यष्टुमिच्छति यद्वा पूजयितुमिच्छति सजनः अयज्वनः सर्वान् अभिभवत्येव ॥ १८ ॥
वेदार्थस्यप्रकाशेन तमोहार्दंनिवारयन् । पुमर्थांश्चतुरोदेयाद्विद्यातीर्थमहेश्वरः ॥
इतिश्रीमद्राजाधिराजपरमेश्वरवैदिकमार्गप्रवर्तकश्रीवीरबुक्कभूपालसाम्राज्य धुरंधरेण सायणाचार्येण विरचिते माधवीये वेदार्थप्रकाशे ऋक् संहिता- भाष्ये षष्ठाष्टके द्वितीयोध्यायःसमाप्तः ॥