तस्य᳚ द्यु॒मा{4} अ᳚स॒द्रथो᳚ दे॒वजू᳚त॒ः स शू᳚शुवत् ।
विश्वा᳚ व॒न्वन्न᳚मि॒त्रिया᳚ ॥
विश्वा᳚ व॒न्वन्न᳚मि॒त्रिया᳚ ॥
पदपाठः (Word-by-word)
तस्य᳚ । द्यु॒॑मान् । अ॒स॒त् । रथः᳚ । दे॒व॑जू᳚तः । सः । शू॒शु॒व॒त् ।
विश्वा᳚ । व॒न्वन् । अ॒मि॒त्रिया᳚ ॥
विश्वा᳚ । व॒न्वन् । अ॒मि॒त्रिया᳚ ॥
सायणभाष्यम् (Sayana Commentary)
तस्य देवान्पूजयतोयजमानस्य देवजूतः देवैरिन्द्रादिभिः प्रेरितोद्युमान् दीप्तिमान् रथः स्यन्दनः देवानां हविःप्रदानरूपेण यज्ञेन असत् भवत्यागच्छ- ति । ततस्तेन रथेनामित्रिया अमित्रियान् शत्रुभिःकृतान्विश्वा सर्वान्बाधान् वन्वन् वनोतिर्हिंसाकर्मेतियास्कः हिंसन् सएवशूशुवत् पुत्रादिभिर्धनैश्च- वर्धते अत्र येन मे रथः बाधाभावश्चाभूदिति यागप्रशंसा । येन सम्यगिष्टदेवाः रथं दत्तवन्तइति यजमानप्रशंसा ॥ ३ ॥