न य᳚जमान रिष्यसि॒ न सु᳚न्वान॒ न दे᳚वयो ।
दे॒वानां॒ य इन्मनो॒ यज᳚मान॒ इय᳚क्षत्य॒भीदय᳚ज्वनो भुवत् ॥
दे॒वानां॒ य इन्मनो॒ यज᳚मान॒ इय᳚क्षत्य॒भीदय᳚ज्वनो भुवत् ॥
पदपाठः (Word-by-word)
न । य॒ज॒मा॒न॒ । रि॒ष्य॒सि॒ । न । सु॒न्वा॒न॒ । न । दे॒व॒यो॒ इति᳚ देव॑यो ।
दे॒वाना᳚म् । यः । इत् । मनः᳚ । यज᳚मानः । इय᳚क्षति । अ॒भि । इत् । अय᳚ज्वनः । भु॒व॒त् ॥
दे॒वाना᳚म् । यः । इत् । मनः᳚ । यज᳚मानः । इय᳚क्षति । अ॒भि । इत् । अय᳚ज्वनः । भु॒व॒त् ॥
सायणभाष्यम् (Sayana Commentary)
हे यजमान योभवान् देवानां न इयक्षति सत्वं नरिष्यसि विनष्टोनभवसि किन्तु पुत्रपौत्रादिभिर्वर्धसे । हे सुन्वान सोमाभिषवंकुर्वन् यः सुन्वन् तेषां मनइयक्षति सत्वमपि नरिष्यसि । हे देवयोदेवान् कामयमान योदेवानियक्षति तादृशस्त्वमपि नरिष्यसि किन्तु धनादिभिर्वर्धसे देवानां मनोयोय- जमानोयष्टुमिच्छति सयागमकुर्वतो जनानभिभवति ॥ १६ ॥