अ॒भ्य᳚र्च नभाक॒वदि᳚न्द्रा॒ग्नी य॒जसा᳚ गि॒रा ।
ययो॒र्विश्व᳚मि॒दं जग᳚दि॒यं द्यौः पृ᳚थि॒वी म॒ह्यु१॒᳚पस्थे᳚ बिभृ॒तो वसु॒ नभ᳚न्तामन्य॒के स᳚मे ॥
ययो॒र्विश्व᳚मि॒दं जग᳚दि॒यं द्यौः पृ᳚थि॒वी म॒ह्यु१॒᳚पस्थे᳚ बिभृ॒तो वसु॒ नभ᳚न्तामन्य॒के स᳚मे ॥
पदपाठः (Word-by-word)
अ॒भि । अ॒र्च॒ । न॒भा॒क॒॑वत् । इ॒न्द्रा॒ग्नी इति᳚ । य॒जसा᳚ । गि॒रा ।
ययोः᳚ । विश्व᳚म् । इ॒दम् । जग᳚त् । इ॒यम् । द्यौः । पृ॒थि॒वी । म॒ही । उ॒प॑स्थे᳚ । बि॒भृ॒तः । वसु᳚ । नभ᳚न्ताम् । अ॒न्य॒के । स॒मे॒ ॥
ययोः᳚ । विश्व᳚म् । इ॒दम् । जग᳚त् । इ॒यम् । द्यौः । पृ॒थि॒वी । म॒ही । उ॒प॑स्थे᳚ । बि॒भृ॒तः । वसु᳚ । नभ᳚न्ताम् । अ॒न्य॒के । स॒मे॒ ॥
सायणभाष्यम् (Sayana Commentary)
हे नाभाक नभाकवत् नभाकवन्ताविन्द्राग्नी यजसा यागेन गिरा स्तुत्या चाभ्यर्चाभिपूजय । ययोरिन्द्राग्न्योर्विश्वं सर्वमिदं जगत्तिष्ठति ययोश्चोपस्थे इयं द्यौर्मही महती पृथिवी च द्यावापृथिव्यावुभे वसु धनं बिभृतो धारयतः । सिद्धमन्यत् ॥ ४ ॥