न पा॒पासो᳚ मनामहे॒ नारा᳚यासो॒ न जळ्ह᳚वः ।
यदिन्न्विन्द्रं॒ वृष᳚णं॒ सचा᳚ सु॒ते सखा᳚यं कृ॒णवा᳚महै ॥
यदिन्न्विन्द्रं॒ वृष᳚णं॒ सचा᳚ सु॒ते सखा᳚यं कृ॒णवा᳚महै ॥
पदपाठः (Word-by-word)
न । पा॒पासः᳚ । म॒ना॒म॒हे॒ । न । अरा᳚यासः । न । जळ्ह᳚वः ।
यत् । इत् । नु । इन्द्र᳚म् । वृष᳚णम् । सचा᳚ । सु॒ते । सखा᳚यम् । कृ॒णवा᳚महै ॥
यत् । इत् । नु । इन्द्र᳚म् । वृष᳚णम् । सचा᳚ । सु॒ते । सखा᳚यम् । कृ॒णवा᳚महै ॥
सायणभाष्यम् (Sayana Commentary)
वयमिन्द्रं पापासः पापाः अकृतपुण्याः ब्रह्मचर्यव्रतादिरहिताः न मनामहे न मन्यामहे तथा अरायासोऽराया अधनावा अहविष्कावा न मनामहे न जल्हवः अज्वलनाः अनग्नयोन मनामहे कृतव्रतनियमादिपुण्याः दानवन्तोग्निसहितास्तंस्तुमइति ऋषिरात्मानमाह । यदित् यस्मादेव कारणात् नु इदानीं वृषणं वर्षकमिन्द्रं सुते सोमेभिषुते सचा सहिताः सखायं कृणवामहै कुर्मः तस्मात्पापादिरहिताः मनामहे पापादिविशिष्टानामिन्द्रसाहा- य्यकरणासंभवात् । अत्र नपापामन्यामहइत्यादिनिरुक्तम् ॥ ११ ॥