स॒प॒र्यवो॒ भर᳚माणा अभि॒ज्ञु प्र वृ᳚ञ्जते॒ नम᳚सा ब॒र्हिर॒ग्नौ ।
आ॒जुह्वा᳚ना घृ॒तपृ᳚ष्ठं॒ पृष᳚द्व॒दध्व᳚र्यवो ह॒विषा᳚ मर्जयध्वम् ॥
आ॒जुह्वा᳚ना घृ॒तपृ᳚ष्ठं॒ पृष᳚द्व॒दध्व᳚र्यवो ह॒विषा᳚ मर्जयध्वम् ॥
पदपाठः (Word-by-word)
स॒प॒र्यवः᳚ । भर᳚माणाः । अ॒भि॒॑ज्ञु । प्र । वृ॒ञ्ज॒ते॒ । नम᳚सा । ब॒र्हिः । अ॒ग्नौ ।
आ॒॑जुह्वा᳚नाः । घृ॒त॑पृ᳚ष्ठम् । पृष᳚त्॑वत् । अध्व᳚र्यवः । ह॒विषा᳚ । म॒र्ज॒य॒ध्व॒म् ॥
आ॒॑जुह्वा᳚नाः । घृ॒त॑पृ᳚ष्ठम् । पृष᳚त्॑वत् । अध्व᳚र्यवः । ह॒विषा᳚ । म॒र्ज॒य॒ध्व॒म् ॥
सायणभाष्यम् (Sayana Commentary)
सपर्यवः परिचरणमिच्छन्तः अभिज्ञु अभिगतजानुकं भरणाः पादैर्भरन्तः बर्हिः नमसा हविषासहाग्नौ प्रवृञ्चते प्रभरन्ति । तदेव विशदयति हे अध्वर्यवः घृतपृष्ठं घृतसंसिक्तपृष्ठं पृषद्वत् स्थूलबिंदुभिर्युक्तं बर्हिर्हविषासह आजुह्वानाः मर्जयध्वं अग्निं परिचरत ॥ ४ ॥