आ भार᳚ती॒ भार᳚तीभिः स॒जोषा॒ इळा᳚ दे॒वैर्म᳚नु॒ष्ये᳚भिर॒ग्निः ।
सर᳚स्वती सारस्व॒तेभि᳚र॒र्वाक्ति॒स्रो दे॒वीर्ब॒र्हिरेदं स᳚दन्तु ॥
सर᳚स्वती सारस्व॒तेभि᳚र॒र्वाक्ति॒स्रो दे॒वीर्ब॒र्हिरेदं स᳚दन्तु ॥
पदपाठः (Word-by-word)
आ । भार᳚ती । भर᳚तीभिः । स॒॑जोषाः᳚ । इळा᳚ । दे॒वैः । म॒नु॒ष्ये᳚भिः । अ॒ग्निः ।
सर᳚स्वती । सा॒र॒स्व॒तेभिः᳚ । अ॒र्वाक् । ति॒स्रः । दे॒वीः । ब॒र्हिः । आ । इ॒दम् । स॒द॒न्तु॒ ॥
सर᳚स्वती । सा॒र॒स्व॒तेभिः᳚ । अ॒र्वाक् । ति॒स्रः । दे॒वीः । ब॒र्हिः । आ । इ॒दम् । स॒द॒न्तु॒ ॥
सायणभाष्यम् (Sayana Commentary)
एतदादि ऋक् चतुष्टयं द्वितीयाष्टकस्याष्टमाध्याये यद्यपि व्याख्यातं तथापि व्यवधानात् संक्षेपतोत्रापि व्याख्यायते । भारती भरतस्यादित्यस्यपत्नी भारतीभिः सजोषाः सहिता इळा मनुष्येभिः मनुष्यलोकभवैः देवैः सार्धं अर्वागस्मदभिमुखमागच्छतु आगत्य तिस्रोदेवीः देव्यः प्रथमार्थेद्वितीया बर्हिरिदमासदन्तु ॥ ८ ॥