तन्न᳚स्तु॒रीप॒मध᳚ पोषयि॒त्नु देव᳚ त्वष्ट॒र्वि र᳚रा॒णः स्य᳚स्व ।
यतो᳚ वी॒रः क᳚र्म॒ण्य᳚ः सु॒दक्षो᳚ यु॒क्तग्रा᳚वा॒ जाय᳚ते दे॒वका᳚मः ॥
यतो᳚ वी॒रः क᳚र्म॒ण्य᳚ः सु॒दक्षो᳚ यु॒क्तग्रा᳚वा॒ जाय᳚ते दे॒वका᳚मः ॥
पदपाठः (Word-by-word)
तत् । नः॒ । तु॒रीप᳚म् । अध᳚ । पो॒ष॒यि॒त्नु । देव᳚ । त्व॒ष्टः॒ । वि । र॒रा॒णः । स्य॒स्वेति᳚ स्यस्व ।
यतः᳚ । वी॒रः । क॒र्म॒ण्यः᳚ । सु॒॑दक्षः᳚ । यु॒क्त॑ग्रा᳚वा । जाय᳚ते । दे॒व॑का᳚मः ॥
यतः᳚ । वी॒रः । क॒र्म॒ण्यः᳚ । सु॒॑दक्षः᳚ । यु॒क्त॑ग्रा᳚वा । जाय᳚ते । दे॒व॑का᳚मः ॥
सायणभाष्यम् (Sayana Commentary)
देव द्योतमान हे त्वष्टः रराणो रममाणस्त्वं नोस्माकं तुरीपं त्वरितमाप्नुवत् पोषयित्नु पोषकरं तद्रेतः विस्यस्व विशेषणावसानं प्रापय विमोचयेत्यर्थः । यतोरेतसः कर्मण्यः कर्मसु साधुः सुदक्षः सुबलो युक्तग्रावा सोमसुत् देवकामो वीरः पुत्रो जायते ॥ ९ ॥